ИСТРАЖУВАЊЕ: Бугарите се исклучително позитивно настроени кон Македонците

Добивај вести на Viber

Бугарите се исклучително позитивно настроени кон Македонците и Република Македонија, а Бугарија нејзините граѓани ја сметаат за мост на Република Македонија кон Европската Унија. 

Oва го покажуваат резултатите од испитувањето на јавното мислење што го спроведе бугарскиот Институт за политика. 

Испитувањето на јавното мислење е спроведено по потпишувањето на Договорот за добрососедство од страна на премиерите, Бојко Борисов и Зоран Заев на 1 август.

Испитувањето покажало дека една од работите кои треба да бидат завршени меѓу двете соседни држави е организирањето на заеднички чествувања и празници и зајакнување на взаемните инвестиции.

Бугарите, според истражувањето, имаат близок, природен и топол однос кон Македонија и македонските граѓани. Над 50 отсто од анкетираните сметаат дека Македонците се еден и ист или близок народ со Бугарите, пренесува агенцијата БГНЕС.

„Основен двигател на позитивната промена е комуникацијата на високо државно ниво. Јасните сигнали за почитување, поддршка и конкретни чекори за засилување на институционалната соработка гарантираат соодветни промени и во ставовите и во активностите на општеството“- вели Калина Крумова, директорка на Институтот за политика.

Институтот за политика е невладина организација која рабпти во тесна соработка со Бугарската академија на науки и со водечките политички сили во Бугарија, како од власта, така и од опозицијата. Една од основните цели кои си го поставил Институтот за политика е работата во Република Македонија и останатите земји од Западен Балкан.