Извлечено телото на фудбалерот Сала од потопениот авион

Добивај вести на Viber

Телата на фудбалерот Емилијано Сала (28) и пилотот Дејвид Иботсон (59) се извлечени од потопениот авион кој исчезна пред две недели а го шокираше светот, потврди Агенцијата за истраги на авионски несреќи.

Од Агенцијата потврдија дека дека специјалните тимови се приклучиле на акцијата, спроведена во "предизвикувачки услови" за да го изнесат трупот на аргентинскиот напаѓач на површина.

"Целото дејство на извлекување на телото од остатоците од авионот било извршено на достоинствен начин, колку што е можно повеќе. Семејствата на жртвите биле информирани постојано за текот на акцијата", потврдија од таму.

Остатоците од авионот, кој исчезна пред две недели во каналот Ла Манш беа пронајдени во близина на островот Гернзи. Авионот Пајпер Малибу N264DB беше на пат од Франција до Британија, откако аргентинскиот фудбалер, кој сакаше да настапува во англиската премиерлига, договори трансфер од Нант во Кардиф вреден 17 милиони евра. Тоа беше рекорден трансфер за премиерлигашот,а Сала допрва требаше да заигра, односно да се приклучи на тренинзите на велшкиот клуб.

Телото што беше извлечено од остатоците од авионот беше однесено на островот Портланд, а потоа префрлено во коронаторот. Деталите за идентификација на телото и продолжување на пребарувањето не се објавени.