Јакимовска: Одземањето на пасоши на функционери на ВМРО-ДПМНЕ е по партиска нарачка

ВМРО-ДПМНЕ обвинува дека судот работел под надворешен притисок и токму затоа им биле одземени пасошите на нивните партиски функционери во предметите поведено од СЈО што сепак, не споменуваат дека е многу поблага мерка од побараниот притвор на пример, како и за тоа дека двајца припадници на УБК се бегалци и недостапни за правдата. 

- Наместо одлуките на судовите да се донесуваат со правни издржани аргументи базирани на Уставот и законите, се носат одлуки по нарачки, велат во изјавата од опозициската ВМРО-ДПМНЕ, рече Марија Јакимовска на денешната партиска прес конференција.

- Судот и судиите во изминатиов период ја занемарија должноста на секој еден судија, да одолее на притисоците кои врз него се обидува да ги прави одреден центар на моќ, што е должност за еден судија, бидејќи правораздавањето се врши врз основа на Устав и на закон, а не по притисок и сугестии. 

Сите учесници во политичката хајки против ВМРО-ДПМНЕ треба да знаат дека власта не е дадена еднаш за секогаш и секоја незаконска одлука ќе биде ревидирана, а за прекршителите на законот ќе следи одговорност по промената на власта и враќање на правната држава и владеењето на правото во органите на власта, рече Марија Јакимовска од пред Апелациониот суд.