Јанева и тимот на СЈО се враќаат во УБК
Објавено во: Македонија 22 Октомври, 2016
Од Специјалното јавно обвинителство информираа дека денеска повторно ќе се вратат во Управата за безбедност и контраразузнавање и ќе продолжат со својата работа.
Еден од истражителите на СЈО кој останал да дежура покрај опремата за прислушување во УБК, синоќа беше избркан. Специјалната јавна обвинителка, Катица Јанева и нејзиниот тим отидоа таму да проверат што се случува.
Во меѓувреме друг истражител на СЈО, беше приведен и задржан во полициската станица „Беко”, ѕатоа што како што објасни и министерот Спасовски, фотографирал објект на поранешниот директор на УБК, Сашо Мијалков.
Портпаролката на СЈО, Ленче Ристоска синоќа изјави дека се надева дека сето тоа е само недоразбирање кое денеска ќе биде надминато. Таа кажа денеска ќе дојдат во УБК за да ги одземат и останатиот дел од документите за масовното прислушување.
Во меѓувреме на прес конференција министерот за внатрешни работи, Оливер Спасовски изјави дека со полициска асистенција ќе му пружи поддршка на СЈО и дека нема да дозволи никакви изнесувања на опремата или што било од кругот на МВР.
Ова ќе биде четврти ден како СЈО е во УБК да ги подигне материјалите кои им се потребни да се утврди кој пислушувал.