Јавните обвинители дадоа зелено светло за смена на Зврлевски
Објавено во: Македонија 13 Јуни, 2017
Советот на јавни обвинители на денешната седница ја поддржа владата во барањето за смена на актуелниот државен јавен обвинител Марко Зврлевски.
Тие прифатија да биде разрешен Зврлевски кој новата власт го окарактеризира како обвинител кој ја извршувал функцијата незаконско и ненавремено.
Сега согласно процедурата, Зврлевски треба да го разреши Собранието. За тоа е потребно росто мнозинство од 61 глас.
Потоа треба да се распише оглас за избор на нов Јавен обвинител.
Зврлевски беше избран на 21 Јануари 2013 година со 58 гласови “за“ и ниту еден против или воздржан за нов Јавен обвинител.
На оваа позиција дојде од скопското обвинителство, наследувајќи го дотогашниот обвинител Љупчо Шврговски.
Четири години подоцна, почнува постапката за разрешување на Зврлевски, со тоа што од страна на Владата предводена од СДСМ е покрената инцијатива. Следни на потег се Советот на јавни обвинители кој треба да испрати мислење до Владата. Обвинителот Зврлевски непосредно по изборот во 2013 година беше регистриран на Ромскиот бал, во друштво на Сашо Мијалков, Никола Грувески и Амди Бајрам, по што не запреа коментарите за негова блискост со доскорешната власт предводена од Вмро-Дпмне.