22 Јануари, 2018
0.6588
    ALK 7696.96    0.61%     GRNT 830    0.73%     KMB 3138.74    -0.42%     MTUR 4158    -2.16%     OKTA 3200    2.86%     RMDEN16 94.5    0.11%     RZUS 124    9.73%     STB 970    1.04%     STIL 154    1.61%     TETE 2060    3%     TPLF 1798.38    -0.03%

Како добивката на ТТК Банка за три месеци порасна половина милион евра?

Објавено во: Економија 14 Ноември, 2017

Малата банка направи мега кратење на резервациите и ја зголеми добивката за половина милион евра во периодот јули-септември, а притоа одржа исто ниво на нето приходи од камати како и лани. Голем подвиг е тоа што за три месеци банката има добивка безмалку еднаква на профитот од првите шест месеци

ТТК Банка во третиот квартал оствари добивка од половина милион евра и тоа е двојно повеќе од просекот за квартална добивка за првите две тромесечја годинава, покажуваат податоците што ги објави таа банка за периодот јануари-септември.
Според нив за првите девет месеци добивката е 65,37 милиони денари што е раст за 30 милиони денари од добивката што банката ја оствари за првите шест месеци годинава. Во истиот период лани оваа банка имала добивка од 17,7 милиони денари што овогодинешниот резултат го прави дополнително поинтересен за инвеститорите на берзата.

Клучот за успех во резервациите!

Достапните податоци покажуваат дека клучен фактор за оваа добивка се резервациите за кредитните пласмани и во помала мерка загубите за нефинансиски средства. Ова станува правило кај сите деловни банки без разлика на нивната големина и пазарно учество. Резервациите за првите девет месеци се 34,9 милиони денари и тие се само за 4,2 милиони денари поголеми од резервациите за првите шест месеци годинава. Во споредба со истиот период лани резултот од резервациите на банката е неспоредливо подобар. Годинава тие се повеќе од преполовени во споредба со претходната година. Значајно за добриот резултат на банката е тоа што загубите за нефинансиски средства во последниот квартал се пораснати за 3 милиони денари што е помал раст од кварталниот просек за првите две тромесечја. Многу значајно е тоа што оваа загуба во споредба со лани е драстично намалена, што укажува на поефикасно управување со тие ресурси. Лани за првите девет месеци загубата е 37,6 милиони денари, а сега е 13,5 милиони денари.

Нето приход од камати како лани, паѓа приходот од провизии

Податоците за камати покажуваат дека банката успеала да го одржи нето приходот од камати, како најзначајна приходна ставка, на ниво речиси идентично како и лани. Расходите за камати, во апсолутна вредност, се зголемени речиси идентично како и бруто приходот од камати. Најголемо намалување на приходна ставка е приходот од провизии кој на бруто основа е за 11,3 отсто понизок од лани. Расходот за провизии е речиси непроменет во споредба со лани и тоа е главната причина за значајното потфрлање на нето приходот од провизии и надоместоци. Останати приходи од дејноста се на исто ниво како и лани, а исто е и со нето приходите од курсни разлики.

Р.Ф.

Можеби ќе ве интересира

Италијанци со супер-компјутер ќе откриваат нафта

Италијанци со супер-компјутер ќе откриваат нафта

Виза не го признава Биткоинот

Виза не го признава Биткоинот

ДОСИЕ СУБВЕНЦИИ: Жирито одобрило над 30.000 евра за Цеки и „Силви бенд“

ДОСИЕ СУБВЕНЦИИ: Жирито одобрило над 30.000 евра за Цеки и „Силви бенд“

Ќе се зголемат црните трансфери на пари ако се оданочи брзиот трансфер

Ќе се зголемат црните трансфери на пари ако се оданочи брзиот трансфер

Каков преседан направи РКЕ од кој може да учат Собранието, Владата и министерствата?

Каков преседан направи РКЕ од кој може да учат Собранието, Владата и министерствата?

ГЕРМАНЦИТЕ БОГАТИ КАКО НИКОГАШ ДОСЕГА: Имаат толку многу пари што не ги интересира да штедат и вложуваат

ГЕРМАНЦИТЕ БОГАТИ КАКО НИКОГАШ ДОСЕГА: Имаат толку многу пари што не ги интересира да штедат и вложуваат

Анѓушев: Процесот на продажба на ЕДС ќе биде транспарентен

Анѓушев: Процесот на продажба на ЕДС ќе биде транспарентен

Кои се најбогати луѓе во регионот: Имаат милијарди, а еве и како ги заработиле

Кои се најбогати луѓе во регионот: Имаат милијарди, а еве и како ги заработиле

„Клик Плус“ дебата – Каде водат економските политики на власта?

„Клик Плус“ дебата – Каде водат економските политики на власта?