КАКО И НА КОЈ НАЧИН: Орбан најави дека ќе го запре Сорос со сите законски средства
Објавено во: Балкан 18 Февруари, 2018
Премиерот на Унгарија Виктор Орбан порача денес дека нема да стои мирно додека има такви кои ги спроведуваат плановите на милијардерот Џорџ Сорос, алудирајќи на наводниот план со Сорос да „увезува“ мигранти во Европа.
Доколку е потребно, ќе користиме се посилно и посилно законско „оружје“ за да се избориме со тој план-рекол Орбан во говорот во кој ја оцени работата на својата влада.
Како што рекол, прв чекор во тоа е да се „запре Сорос“.
Тој исто така рекол дека секој кој е „преокупиран“ со миграцијата и мигрантите ќе мора да се пријави за „национална безбедносна лиценца“ како би можел да ги спроведува своите активности.
Орбан порача и дека сите невладини организации ќе мора да бидат транспарентни по прашањето на своите финансии, а дека оние кои тоа не го направат ќе бидат забранети, без разлика на тоа колку се моќни или богати.