Како ќе им се отворат вратите на странците во Германија?
Објавено во: Свет 31 Август, 2018
Се укинува листата на дефицитарни занимања, а работодавците нема да докажуваат дека работното место не можат да го пополнат со домашен кадар.
Десетици милијарди евра загуба има германската економија поради недостиг на работна сила.
Затоа се подготвува закон за имиграција со помош на кој Германците ќе обезбедат работна сила од трети земји.
Засега во Германија има 1.2 милиони слободни работни места.
440.000 работни места не можат да ги пополнат луѓе кои живеат во Германија.
Здравството, индустријата и малите фирми го имаат овој проблем.
Со новиот закон многу лесно германските работодавци ќе најдат работник од странство кој има високо образование.
За оние со средно образование ќе биде потешко, а такви најмногу се потребни во Германија.