Какво време ќе имаме во следните пет дена?

Добивај вести на Viber

Во Македонија во утринските часови денеска ќе имаме нестабилно со врнежи од дожд кои во раните претпладневни часови ќе престануваат и намалување на облачноста. 

Но, попладне повторно ќе имаме развој на нестабилност која што ќе услови нестабилно време со локални врнежи од дожд. И денеска во југоисточните предели како и централните предели долж Повадрадието попладне ќе останат без врнежи. Ќе дува доумерен северен и северозападен ветер. Утринските температури ќе се движат од 1 до 10 степени, додека пак максималните дневни ќе достигнат до 10 односно до 21 степен. 

Во петок ќе имаме умерено облачно време со повремени сончеви периоди, ветровито и посвежо време со пад на температурите, утринските од -1 до 7 степени, додека пак максималните дневни ќе бидат од 7 до 18 степени. Во сабота се очекува постудено утро со температури од -2 до 6 степени, во текот на денот претежно сончево со локална облачност и дневни температури од 7 до 18 степени. Во недела и понеделник времето ќе биде со студено утро со утрински температури од -3 до 5 односно од -2 до 6 степени, а во текот на денот ќе биде сончево и многу потопло време со максимални температури кои што ќе го надминат просекот за овој период од годината и ќе се движат во интервал од 11 до 22 односно од 13 до 24 степени.