КАТАР ДОБИ УЛТИМАТУМ: Прифатете што бараат арапските земји или санкциите ќе траат со години
Објавено во: Свет 20 Јуни, 2017
Обединетите Арапски Емирати го предупреија Катар дека санкциите кои му ги вовеле арапските соседи ќе траат со години ако не ги прифатат барањата кои наскоро ќе бидат објавени на што Доха порача дека нема со нив да преговара додека не ги укинат санкциите.
„Катар ќе сфати дека ова е нова состојба и дека изолацијата може да трае со години“, рекол емиратскиот министер за надворешни работи Анвар Гаргаш пред новианрите во Париз.
„Ако сакаат да бидат изолирани поради первезното сфаќање на својата политичка улога, тогаш нека бидат изолирани. Уште се во фаза на лутење“, рекол додавајќи дека пописот на арпакси барања кои Катар мора да ги исполни ќе биде завршен наредните денови.
Катарскиот министер за надворешни работи порачал дека Катар нема да преговара со арпаските земји кои пред две недели ги прекинаа со него врските додека не ги укинат санкциите.
„Катар е под блокада, нема проговори. Тие мора да ја укинат блокадата како би почнале преговорите“, рекол.
„Досега не видовме никаков напредок во насоки на укинување на блокадите, што е услов за чекор напред“.
Министерот порачал дека Катар нема намера да преговара за своите интерни прашања, вклучувајќи ја иднината на ТВ каналот Ал Џазира.