Китанов избран за претседател на Одборот на директори на Телеком, Дураки негов заменик
Објавено во: Економија 25 Декември, 2020
Зоран Китанов поранешниот директор на ЈП Државни патишта е избран за претседател на Одборот на директори на Македонски телеком, а за негов заменик е назначен поранешниот министер од ДУИ Садула Дураки. Тие двајцата беа избрани за членови на Одборот на директори на ова друштво на предлог на Владата на 15 декември годинава. Дополнително, вонредната седница за избор на претседател и заменик на претседателот на Одборот на директори беше одржана на 18 декември од кога и им почнува мандатот
Освен Китанов и Дураки, за членови на Одборот на директори на Македонски телеком Владата ги предложи и поранешната министерка за финансии Нина Ангеловска, Шкодране Дарлишта, Бардул Насуфи и Аќиф Мехдиу. И тие беа избрани на 15 декември кога добија четиригодишен мандат во Друштвото.
Како членови во Одборот на директори беа разрешени Назим Буши, Сашо Велески, Замир Мехмети, Дивна Ефтимоска, Мирослав Вујиќ и Сашо Симјановски.