Ќе си добие ли Трамп двојничка во Ле Пен?
Објавено во: Свет 06 Мај, 2017
По вчерашниот хакерски напад со кој треба да му се наштети на прогресивниот кандидат Емануел Макрон ненадејно шансите за победа и се зголемија на ултра десничарката Марин Ле Пен. Засега Трамп не дал јавна поддршка за ниту еден кандидат, но добро е познато дека со Ле Пен имаат политички симпатии бидејќи за многу прашања се согласуваат особено за мигрантите.
Марин ле Пен беше меѓу првите кои ја поздравија победата на Трамп во ноември минатата година. Иако и понекогаш има различни ставови од него, како на пример за Сирија, таа го фали „неговиот волунтаризам“ во однос на протекционизмот.
Засега од Белата куќа информираат само дека Трамп како претседател на САД ќе соработува со кандидатот кој ќе го изгласа францускиот народ, но не откриваат дали има фаворит на утрешните избори. Трамп победи на сличен начин откако во последната недела од изборите врз штабот на Хилари Клинтон беше извршен хакерски напад и објавата на многу документи и го намали рејтингот. Зад хакерските напади стои најверојатно Русија.