КЛУЧ НА ВРАТА ЗА ТРИ ЛОКАЛИ: Ем работеле доцна, имале и гости малолетници
Објавено во: Економија 10 Јануари, 2021
Три угостителски објекти затвори вчера Државниот пазарен инспекторат. Затворени се објекти во Дебар,Охрид и Кичево - сите работеле и по дозволеното работно време.
Во објектот во Дебар полицијата и инспекторите влегле во 19.20 часот. Бил отворен и во него имало осум лица од кои и двајца малолетници, при што лицата се лишени од слобода, а малолетниците во присуство на родител се повикани во Одделение за внатрешни работи Дебар за понатамошно постапување.
Во 21.00 часот пак, при контрола на угостителски објект во населба Св.Стефан во Охрид од полициски службеници од СВР Охрид во координација со Државниот пазарен инспекторат, констатирано е дека објектот работел после 18.00 часот и во истиот биле затекнати пет лица, при што околу 22.00 часот, пред угостителскиот објект бил приведен, Д.Д.(38) од Охрид бидејќи го нарушил јавниот ред и мир.
Затворен е и локал од Кичево.