Кога ќе имаме викенд без ДДВ?
Објавено во: Економија 11 Септември, 2020
Последниот викенд од месецов ќе купуваме без ДДВ.
Премиерот Зоран Заев во интервју за МТВ изјави дека кон крајот на септември ќе имаме викенд без ДДВ.
„Викендот ќе биде воведен пред почетокот на школската година бидејќи тогаш знаеме дека родителите повеќе трошат за дечињата“, изјави Заев.
Ова е една од анти-кризните мерки.
Вицепремиерот за координација со економските сектори Фатмир Битиќи денеска изјави дека не се откажуваат од проектот „Викенд без ДДВ“ и оти се разгледуваат законските можности и здравствените аспекти кога тој може да се реализира.
„Веќе ги гледаме последните законски можности кога во најбрз временски период и во координација со здравствените институции, тоа може да се направи. Мислам дека наскоро со четвртиот пакет веќе ќе имаме став и за „Викенд без ДДВ“, рече Битиќи.
Коментирајќи ги мислењата на некои експерти дека мерката повеќе ќе им помогне на поимотните отколку на посиромашните граѓани и дека води кон сива економија, Битиќи кажа дека има механизми со кои би се идентификувале и елиминирале евентуалните вакви појави.