КОГО ПОДДРЖУВА ОБАМА: Дали е на страната на Ле Пен или навива за Макрон?
Објавено во: Свет 05 Мај, 2017
Поранешниот претседател на САД, Барак Обама и официјално застана зад францускиот претседателски кандидат, Емануел Макрон.
Обама ги потенцира либералните вредности и посветеноста на Макрон на Европската унија.
„Јас не планирам да се вклучувам во многу избори сега кога не морам да се борам за функција повторно. Меѓутоа, француските избори се многу важни за иднината на Франција и на вредностите за кои ние се грижиме толку многу“- вели Обама.
Макрон, центристички и релативно нов во политиката, создаде своја сопствена политичка партија лани наречена „Напред!“. Тој доаѓа од инвестициското банкарство и има работено како министер за финансии во сегашната влада на францускиот претседател, Франсоа Оланд пред да даде оставка за да се кандидира за највисоката функција“. Во вториот круг од претседателските избори според анкетите се очекува Макрон да ја победи Марин Ле Пен од Националниот фронт.