Кои земји ги имаат најмладите наставници?
Објавено во: Свет 05 Октомври, 2016
Најмлади се професорите во Кипар, Мала и Велика Британија, покажуваат податоците на Евростат.
Најмалку стари наставници над 50 години има во основното образование на Кипар - едвај 3,5%, Малта - 12,3%, Велика Британија - 17,8 % и Грција - 18,6 %.
Најмногу стари наставници има во Италија - 57,5 %, Естонија - 50,2%, Латвија - 49%.
Анализата на Евростат е за периодот од 2014 година, кога во системот на основното образование во ЕУ работеле околу 2,1 милиони наставници, од кои само 200.000 биле на возраст под 30 години. Во системот на средното и средно образование во ЕУ работеле околу 3,5 милиони наставници, од кои исто така само 300.000 биле под 30-годишна возраст.
Европската статистика наведува дека околу 85% од професорите во системот на основното образование во ЕУ биле жени и околу 15% мажи.
Интересен факт е дека во Турција е регистриран најголем број на наставници во споредба со цела Европа - односно 288.000 наставници во основното образование и околу 560.000 наставници во средното образование.
Најнизок е бројот на учителите на Стариот континент во Лихтенштајн - соодветно - 200 лица во основното образование и околу 300 лица во средното и средно образование.