Кои земји ја блокираат Србија во отворањето на поглавјето 31?

Добивај вести на Viber

Tретина од членките на Европската унија (ЕУ) го блокираат отворањето на поглавјето 31 од пристапните преговори со Србија, пишува Вечерњи новости. 

Ова поглавје се однесува на надворешната политика и безбедност, а меѓу нив предничат Германија, Велика Британија и земјите од некогашниот Варшавски пакт – Чешка, Унгарија, Бугарија, Полска и Романија.

Иако Брисел го завршил нацрт извештајот за скрининг за ова поглавје уште во јануари, тој и натаму е во усогласување кај членките на ЕУ, но десетина од нив се уште не дале „зелено светло“ за усвојување на овој документ. 

Од Србија се очекува да биде далеку поактивна во усогласувањето на својата политика со ЕУ и да се зголеми процентот на усогласеноста со декларациите и резолуциите на Брисел кон трети земји, а кој опаѓа со години.

За време на последните две години Србија не поддржала вкупно 30 документи на ЕУ. Тоа е скоро половина од декларациите кои ги подготвил Брисел. Лани  Белград го одбил Брисел во сите десет случаи кои се однесувале на Украина и Русија – од санкциите на Москва до осудите за анексијата на Крим. Србија не се согласила нити со резолуциите за санкциите против бунтовничките лидери на самопрогласената молдавска република Приднестровље.

„Со одолговлекувањето на отворањето на поглавјето 31 се испраќа јасна порака на Белград дека се очекува да се засили усогласувањето со политиката на ЕУ, особено околу рестриктивните мерки“- вели Игор Новаковиќ од Центарот за меѓународни и безбедносни работи.

Можеби најинтересниот случај на неусогласувањето со одлуките на ЕУ со декларацијата на шефицата на европската дипломатија Федерика Могерини и генералниот секретар на Советот на Европа, Торбјорн Јагланд за одбележувањето на Светскиот ден против смртната казна, кои Србија ги укина.