Кои земји се магнет за милионери, а од кои бегаат?
Објавено во: Економија 22 Февруари, 2017
Земјите кои привлекуваат најмногу богати луѓе се Австралија, САД и Канада, а зад нив е Нов Зеланд.
Во 2016 година 82 000 милионери ја напуштиле својата татковина и се преселиле во друга земја, покажуваат податоците на New World Wealth, цитирани од CNBC.
Во Австралија минатата година се преселиле 11.000 милионери, во САД заминале 10.000 милионери, а во Канада 8.000. Земјите од кои бегаат најбогатите се Франција (12.000), Кина (9.000), Бразил (8.000), Индија (6.000) И Турција (6.000). САД традиционално ги привлекуваат богатите луѓе, но во последните години Австралија успева да привлече повеќе милионери, особено од Индија и Кина, дополнува CNN. Зелениот континент се смета како сигурно место за одгледување на деца, со стабилен здравствен систем и е географски изолиран од кризите во Блискиот Исток и бегалскиот бран во Европа.
Австралија воедно е и добро место за водење бизнис. Богатите бегаат од Франција главно поради високите даноци и поради растечката тензија во земјата, покажува уште студијата.