КОЈ ПЛАТИ 270 ИЛЈАДИ ЕВРА ЗА 1.000 АКЦИИ НА КОМЕРЦИЈАЛНА - нова блок трансакција со најголемата банка во земјава

Добивај вести на Viber

Повторно на Берзата помина блок трансакција со акциите на Комерцијална банка. 

Трансакцијата се случила во текот на вчерашниот ден, и овој пат станува збор за малку посериозен акционерски пакет, но и сума што е платена од купувачот кој ги стекнал тие акции.

Или поточно, во текот на вчерашниот ден, биле продадени акции на банката за сума од близу 270 илјади евра, што е далеку поголема количина во споредба со претходните блок трансакции, а кои, за волја на вистината, зачестија во последниов период.

Или попрециозно, на блок трансакцијата се продадени за познат купувач 1.000 акции на Комерцијална банка, по цена од 16.500 денари за акција. Или, вкупниот износ е 16.500.000 денари, што е рамно на 268 илјади евра.

Ако се има предвид колку вкупно акции има издадено нашата најголема банка, станува збор за мал процент од околу 0,04 отсто, што е помал пакет, но сепак поголем од досегашните.  

Засега нема информации кој е купувачот на овој акционерски пакет што за него плати сума од 270 илјади евра. 

Како што веќе пишуваше Фактор, и минатата недела поминаа две блок трансакции со акциите на Комерцијална банка. Во едната блок трансакција се продадени за познат купувач на банката акции за сума од 90 илјди евра, додека во другата трансакција за износ од 69 илјади евра. Во едната трансакција се продадени 344 акции по цена од 16 илјади денари за акција, додека во другата 265 акции по цена од 15.900 денари за акција.

Единствен акционер што има пакет од над 5 отсто во таа банка е Адора на Ванчо Чифлиганец.

Н.Н.Ф.