КОЛАПС НА САМИТОТ ВО ХАНОЈ: Трамп и Ким не се договорија

Добивај вести на Viber

Се случи брз крај на долгоочекуваната средба во Виетнам, имаше колапс на самитот во Ханој.

Претседателот на САД, Доналд Трамп и Ким Џонг-ун, водачот на Северна Кореја, ненадејно го завршија својот втор самит денеска кога преговорите се распаднаа откако двете страни не успеаја да се согласат дури и со првите чекори за нуклеарно разоружување, мировната декларација или намалување на санкциите за Северна Кореја.

„Се работи за санкциите. Во суштина, тие сакаа санкциите да се укинат во целост, но ние не можевме да го сториме тоа. Понекогаш мора да си отидеш“, додаде Трамп.

Предвременото завршување на преговорите значи дека дипломатијата меѓу САД и Северна Кореја, која трае повеќе од една година, останува замрена, а експертите велат дека Северна Кореја продолжува да произведува материјали за да создаде нуклеарни боеви глави. 

Тоа ја поткопа сликата за Трамп, кој себеси се смета како тежок преговарач кој може да ги доведе противниците во договор. Трамп изјави дека Ким се согласил да направи важен чекор кон укинување на централниот дел од неговата нуклеарна програма - објектот за збогатување Јонгбјон - но изјавил дека ќе го стори тоа само ако се укинат сите санкции.