Колку изнесувала месечната бруто и нето плата во септември?
Објавено во: Економија 22 Ноември, 2016
Просечната месечна исплатена бруто-плата по вработен во септември 2016 изнесува 32 640 денари.
Индексот на просечната месечна исплатена бруто-плата по вработен, во септември 2016 година, во однос на септември 2015 година, изнесува 101.0.
Според податоци на Државниот завод за статистика, ваквото зголемување се должи, пред сѐ, на зголемувањето на просечната месечна исплатена бруто-плата по
вработен во секторите: градежништво (9.6%), земјоделство, шумарство и рибарство (7.2%) и информации и комуникации (5.5%).
Намалување на просечната месечна исплатена бруто-плата по вработен, во однос на претходниот месец, е забележано во секторите: рударство и вадење на камен (3.3%), снабдување со електрична енергија, гас, пареа и климатизација (2.6%) и Административни и помошни услужни дејности (1.9%).
Во септември 2016 година, 1.2% од вработените во Република Македонија не примиле плата.
Според податоците на Државниот завод за статистика, индексот на просечната месечна исплатена нето-плата по вработен, во септември 2016 година, во однос на септември 2015 година, изнесува 100.8.
Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: градежништво (8.7%), земјоделство, шумарство и рибарство (7.2%) и информации и комуникации (6.0%).
Намалување на просечната месечна исплатена нето-плата по вработен, во однос на претходниот месец, е забележано во секторите: рударство и вадење на камен (3.4%), финансиски дејности и дејности на осигурување (2.7%) и снабдување со електрична енергија, гас, пареа и климатизација (2.4%).
Просечната месечна исплатена нето-плата по вработен, во септември 2016, изнесува 22 191 денари.