Колку пари прават најуспешните кочански фирми?
Објавено во: Економија 02 Септември, 2020
Дали кочанската економија е во коматозна состојба? Верувале или не, градот кој порано бил синоним за силна и разновидна индустрија лани има само една фирма со профит поголем од еден милион евра, а меѓу трите најуспешни друштва се уште две компании регистрирани за трговија на големо. И толку...
Кочани има само една домашно поседувана компанија која што лани остварила профит поголем од еден милиони евра и таа е конфекција. Кочани, град што порано беше синоним за силна и разновидна индустрија, лани има само 8 компании кои имале профити повисоки од 200.000 евра (во оваа конкуренција не се гигантот Амфенол Технолоџи и холандската гринфилд инвестиција Антхура – најголемите работодавци во тој регион).
Билансот на најуспешните домашно поседувани кочански компании покажува дека кочанскиот бизнис кој одамна не може да се мери со Штип веќе може да и завидува и на тројно помалата Виница.
Да почнеме со ред:
Амфенол Индустрис не е габарит што може да се врами во капацитети на кочанската економија. Но може со две раце да се потврди дека оваа компанија е мотор на локалната економија. Амфенол, глобалниот производител на електроника за автомобилска индустрија, е убедливо најголем вработувач во Кочани (ангажира над 1.000 лица) и купува услуги од десетина домашни компании. Ова друштво лани оствари приход од 85 милиони евра (22 отсто повеќе од 2018 година) и добивка од 3,6 милиони евра.
Втора најпрофитабилна компанија е кочанската конфенција Алекс 3 компанија поседувана од едно лице – Марија Јосифова. Ова друштво лани остварило приход од 4,4 милиони евра (исто како и претходната година), а добивката му изнесува 1,6 милиони евра што го прави најуспешна домашно поседувана кочанска фирма – без конкуренција. Ако се гледа профитната маргина Алекс 3 е далеку попорофитабилен и од Амфенол Индустрис.
Трета најпрофитабилна компанија со седиште во Кочани е холандската семенарско-садна компанија Антхура Мк. Друштвото лани остварило приходи од 9,6 милиони евра (17 отсто повеќе од 2018 година) и профит од 913.000 евра.
Во најуспешните пет кочански компании има уште две фирми чија дејност е неспецијализирана трговија на големо.
Поуспешна од двете лани била Офис Експрес компанија која се јавува како голем увозник на хартија и на школски прибори и реквизити, а во последниве неколку години е голем продавач на половни автомобили. Ова друштво лани остварило приходи 6,4 милиони евра што е зголемување за 26 отсто во однос на 2018 година. Профитот расте двојно од приходот. Изнесува 720.000 евра и е за 44 отсто поголем од претходната година. Другата трговска компанија е Магнолија. Лани оваа семејна фирма на Јулија и Александар Крстевски остварила приходи од 3,8 милиони евра и профит од 400.000 евра.
Во најуспешните 10 кочански фирми се уште:
Р.Ф.