КОМУ МУ НОСИ КОРИСТ ОВА: Исечени цевките кои носат гас во струшката нефролошка болница
Објавено во: Македонија 19 Март, 2022
Опасен инцидент се случил во Струга. Вчера во 10:05 часот во СВР Охрид, Д.Д.(61) од Струга, вработен како анестезиолог во ЈЗУ„Специјализирана болница за нефрологија“-Струга, пријавил дека на претходниот ден во временски период од 17:00 часот до моментот на пријавување, непознат сторител со употреба на предмет насилно дејствувал на цевките на централниот довод за гасови на машинската куќа до салата за операција во болницата.
Според пријавата прво била оштетена надворешната обвивка, потоа во внатрешноста од цевката насилно биле исечени бакарните цевки кои произведувале медицински гас до операционата сала во зградата и потоа го напуштил местото на настанот.
Полицијата соопшти дека извршен бил увид од увидна екипа на Полициската станица Струга и дека се преземаат мерки за расчистување на случајот.