Котевски: Граѓаните покажаа дека сакаат да стават крај на кризата
Објавено во: Македонија 11 Декември, 2016
Иво Котевски, портпаролот на ВМРО-ДПМНЕ, на првата партиска прес конференција по завршување на гласањето ја поздрави решеноста на граѓаните слободно да ја изразат својата волја и да ја одредат својата иднина.
„ВМРО-ДПМНЕ им честита на граѓаните и го поздравува тоа што мирно и достоинствено излегоа масовно да гласаат за да ја завршат кризата во која не втурна СДСМ. Изборите поминаа во мирна и фер атмосфера, а граѓаните добија можност демократски и без притисоци да ја изразат својата волја и да ја одберат опцијата за која мислат дека е подобра за нив и им обезбедува попросперитетна иднина“ изјави Котески.
Прашан што може да значи големата излесност посочи дека се уште е рано да се коментира, но смета дека е резултат на самата кампања и мотивираноста да се реши кризата.