Ковачевски: Мерките за граѓаните и стопанството не се задоцнети
Објавено во: Економија 23 Октомври, 2020
Ликвидноста на Буџетот е добра и ќе бидат исплатени сите обврски кон буџетските корисници, изјави заменик-министерот за финансии Димитар Ковачевски кој соопшти дека синоќа завршила амандманската расправа за ребалансот на Буџетот
Ковачевски вели дека мерките што Владата ги предложи, а кои се имплементирани во вториот ребаланс на Буџетот на 2020 година, се во насока на одржување на стандардот на населението во светло на економската криза.
Заменик-министерот вели дека проекциите на Светска банка се слични како и предвидувањата на Владата
„Во светло на тие проекции се креирани мерките и граѓаните и компаниите не треба да се грижат. Мерките што ги носи Владата како поддршка за граѓаните и за стопанството не се задоцнети, но, остануваме отворени за разговори со сите засегнати страни, рече Ковачевски.
Додаде дека во Владата секојдневно се на располагање.
„И во текот на трите месеци кои се пред нас до крајот на годината, но и во 2021 година која исто така ќе биде година што ќе почне погодена со вирусот. Постојано ќе работиме со нив и ќе ги адаптираме мерките онака како што најдобро можат да и помогнат на секоја индустрија поединечно, рече Ковачевски.