КОЅИАС ВЕЛИ НЕМА ПРИТИСОК ВРЗ АТИНА: Блиску сме до одредени прашања за решение
Објавено во: Балкан 22 Јануари, 2018
Шефот на грчката дипломатија, Никос Коѕиас изјави дека разговорите во Давос ќе покажат во каква насока се движиме во врска со спорот за името.
Тој вели дека е потребно дополнително да се разработат одредени прашања за да се зборува за конкретен временски рок за решение.
Грчкиот министер отфрли секаков вид на притисок врз Атина или мешање од трети страни. Тој истакна дека никој не ја притиска грчката страна и дека грчката дипломатија го користи притисокот што го има македонската страна за да се отвори нејзината европска перспектива.
„Блиску сме до одредени прашања за решение, а разговорите во Давос во среда ќе покажат каде се движеме“- вели Коѕиас.
Според Коѕиас преговорите се олесните откако Европа и САД сфатиле дека не треба да се мешаат.
Тој рече дека Атина нема да дозволи Македонија да влезе во НАТО без задоволување на потребните услови и ако не се реши прашањето за името.
За вчерашниот протест, Коѕиас изјави дека тоа е демократско право на граѓаните и дека не влијае врз преговорите за името.
На средбата Заев - Ципрас во Давос, очекуваме да се направи напредок во насока на изнаоѓање на едно взаемно прифатливо решение, изјави портпаролот на грчката Влада, Димитрис Ѕанакопулос.