Кредити: со ударничко темпо растат сомнителните побарувања!

Добивај вести на Viber

Расте салдото на сомнителни и ризични кредити. Заклучно со февруари спорните побарувања на банките достигнаа ниво од 415 милиони евра. Во однос на јануари, Народната Банка регистрираше пораст од цели 33,6 милиони евра. Споредбената анализа на податоците покажува дека  во февруари порастот на сомнителните побарувања е  повеќе од двојно поголем од оној што беше регистиран во јануари во споредба со декември. Тогаш спорните побарувања се зголемија за 15,8 милиони евра. Само за  првите два месеци од годинава во однос на декември, ова салдо кое укажува на влошување на кондицијата на фирмите и на граѓаните невреме да ги сервисираат обврските кон банките се зголеми за скоро 50 милиони евра.

Податоците укажуваат дека пораст на спорените побарувања има и кај денарските и кај девизните кредити. Позначајно влошување на кредитното портфолио се заблежува кај денарските кредити за приватниот и јавниот сектор и кај девизните кредити за домаќинствата.

За разлика од темпото на пораст на овие побарувања, кредитирањето во февуари со незначителен раст од само 1,8 милиони евра во однос на јануари, годинава. Така, вкупните кредити во февруари изнесуваат 2,5 милијарди евра и се задржаа на истата позиција како и месецот претходно.

Овие бројки за банкарите се очекувани во состојба кога сите економски параметри укажуваат на сеуште присутна криза, забавената економска активност и натамошната неизвесност.

Банките во моментов располагаат со депозитна база од 4 милијарди евра, која го надминуваа салдото на вкупната кредитна изложеност. Банките имаа пари – но како најбезбеден начин за пласман и натаму ги таргетираат државните и благајничките записи.

И последната анкета на Народната Банка не најавува скорешно олабавување на кредитната политика,што треба да донесе и повисоки стапки на кредитен раст.

За разлика од домаќинствата, кај кои е регистриран незначителен пораст на кредитирањето, кај приватниот сектор има минусна стапка на кредитен раст.