Крсто Мукоски се правда: „Јас не сум ја отворил вратата на Собранието“!
Објавено во: Македонија 23 Мај, 2017
Откако вчера телевизии ја објавија снимката која е директен доказ кој стои зад отворањето на собраниските порти, пратениците од редовите на ВМРО ДПМНЕ го негираат тоа и одбиваат коментар.
Крсто Муковски кој е еден од идентфикуваните на смнимките за Дојче веле демантира дека тој ги отворил вратите.
„Јас не сум ја отворил вратата на парламентот. Точно е дека бев во ходникот: Дали е тоа забрането? Јас имам право да се движам слободно насекаде низ Собранието. Ја видов снимката и не гледам од каде е изведен заклучок дека јас сум ја отворил вратата. Се е шпекулација. Истрагата ќе покаже кој го сторил тоа“, вели тој во изјавата за Дојче веле.
Другиот идентификуван од снимката е Сашо Василевски, кој заедно со Муковски се гледа како ги отстрануваат металните држачи кои ги блокираат вратите, по што демонстрантите масовно упаѓаат во Собранието.
Пратеникот Василевски одбил за Дојче веле да го објасни неговиот придонес во настаните од „крвавиот четврток“.
Од ОЈО засега не го коментираат овој факт а од МВР тврдат дека снимките им се доставени.