Либија не може да се опорави од соборувањето на Гадафи

Добивај вести на Viber

Од соборувањето на култниот идер Муамер Ел Гадафи во 2011, Либија до ден денес не може да се опорави и да постави стабилна власт, па так САД, Франција, Британија и Италија денеска го осудија насилството што изби во либискиот главен град Триполи и  предупредија дека постои опасност оваа северноафриканска држава да потоне во уште поголеми конфликти.

Најмалку 30 лица беа убиени во пресметките во либиската метропола во изминатите денови, а стотина беа ранети. Западот ја подржуваат фрагилната власт, но таа нема капацитет да се справи со проблемите и да ја контролира анархијата.

“Овие обиди да се ослабне легитимната либиска власт и да се попречат политичките процеси се неприфатливи. Ги повикуваме вооружените групи веднаш да ги запрат сите воени активности и ги предупредуваме тие што ја поткопуваат стабилноста, како во Триполи, така и во други делови на Либија, дека ги сметаме за одговорни,” пишува во заедничкото соопштение на четирите држави.

Либиските власти мораа да го затворат аеродромот во Триполи откако вчера кон него беа истрелани ракети. Либискиот премиер Фајес ал Сараџ, кој е меѓународно признат, на почетокот на неделава информираше дека седмата бригада распоредено југоисточно од главниот град, веќе не е дел од либиските вооружени сили и е расформирана, и притоа повика засилувања во главниот град. Како одговор, офицери и припадници на расформираната бригада нападнаа делови на Триполи.

Либија е зафатена од бранови насилство од 2011 година, кога Британија, Франција и САД воено интервенираа во земјата да им помогнат на бунтовниците против водачот Моамер ел Гадафи. Гадафи беше соборен и брутално ликвидиран, но ниту една групација не успеа да формира стабилна власт во Либија, а земјата стана и една од главните бази за насочување на африканската миграција кон Европа.