Лошите вести во Кина предизвикаа пад на цените на нафтата
Објавено во: Економија 24 Јули, 2013
Како резултат на загриженоста на инвеститорите дека падот на преработувачките активности во Кина би можел да ја намали побарувачката на овој енергенс во втората по голема светска економија, нафтата изутринава поевтини на светските берзи.
Американската лесна нафта за испорака во септември поевтини за 27 центи на 106,96 долари за барел, додека цената на „брентот“ од Северното Море на берзата во Лондон се намали за 22 центи на 108,22 долари. Прелиминарните податоци на банкарскиот гигант ХСБЦ покажаа дека индексот на управување со набавката (ПМИ) за кинескиот индустриски сектор во јули се намали на најниско ниво во последниве 11 месеци на 47,7 поени од јунските 48,2 поени. Индек од над 50 поени укажува на јакнење на секторските активности, а под 50 поени за нивно слабеење.