Македонија со најмал зафат од буџетот за економските мерки
Објавено во: Економија 19 Април, 2020
Македонија има само 105 милиони евра за војната против Ковид-19 по релокацијата на средствата од националниот буџет. Со овој процент Македонија е рангирана на меѓу последните во однос на износот на средствата наменети за оваа намена. Информациите објавени на социјалните мрежи од страна на Вишеградската група, во кои учествуваат Унгарија, Полска, Чешка и Словачка, покажуваат дека во нашиот регион повеќе пари во борбата против оваа кризата дели Србија, со 11% проценти од нејзиниот буџет, Бугарија со 3,5 отсто и Грција 4,5%.Најмоќната економија на Стариот континент, Германија одвојува 30,6 проценти. следат Велика Британија со 25, Италија и Шпанија со 20, Унгарија со 19,5% и Чешка со 18%.
Намалувањето на буџетските трошоци е недоволно, рече поранешниот министер за финансии, Никола Поповски, кој смета дека процентот сепак ќе се зголемува во мај.
- Очекувам намалувањето на буџетот во секторот да биде поголемо од почетокот на мај. Владата малку задоцни, но се надевам дека пандемијата нема да трае долго, иако е загрозен. На пример, со исплатата на целите мартовски плати за целата администрација, мислам дека е направена грешка, вели Поповски за Алсат ТВ.
Според Поповски, има повеќе можност да се скрати од буџетот на Министерствата за култура, образование и најголемиот дел од парите наменети за капитални инвестиции за оваа година.