„Македонски енергетски ресурси“ доби дозвола од КХВ да издаде долгорочни хартии од вредност
Објавено во: Економија 14 Декември, 2017
Комисијата за хартии од вредност на Република Македонија на 127-мата седница со која претседаваше Претседателот на КХВ М-р Елизабета Чингаровска, а се одржа денеска на 14 декември, 2017 година на Акционерското друштво за вршење на енергетски дејности „Македонски енергетски ресурси“ Скопје му даде одобрение да издаде долгорочни хартии од вредност по пат на приватна понуда.
Станува збор за 10390 обични акции во вкупен износ од 1.039.000 евра.
Оваа петта емисија на обични акции се врши со влогови за зголемување на основната главнина на Друштвото заради создавање услови за непречено функционирање.
Емисијата на акции е наменета за познат купувач, односно за постојниот единствен акционер - Владата на Република Македонија како институционален инвеститор.