Мароко ќе биде домаќин на претстојното Генерално собрание на Светската организација за туризам на ОН во 2021
Објавено во: Мои пари 18 Септември, 2019
Рабат, Мароко ќе биде домаќин на претстојното, 24то Генерално собрание на Светската организација за туризам на Обединетите нации (UNWTO) во 2021 година. Оваа одлука е донесена на 12 септември за време на 23тото Генерално собрание на Светската организација за туризам на Обединетите нации одржано во Санкт Петербург, Русија.
Изборот на Мароко да биде домаќин доаѓа како резултат на гласањето на 107 делегации за време на Собранието, при што Мароко доби 76 гласа. По изборот Министерот за туризам на Мароко, Мохамед Сајид, изјави дека гласањето претставува уште една потврда за статусот на кралството како лидер во светскиот туризам.
“Оваа победа е на Мароко и на стратегијата на Кралот Мохамед VI да се постигне одржлив и инклузивен развој во сите сфери. Овој успех исто така ја покажува и привилегираната позиција на Кралството во полето на туризмот благодарение на развојот и стабилноста.“
Тој исто така изрази благодарност до земјите кои ја поддржаа кандидатурата на Мароко, велејќи дека ова е победа на целиот африкански континент.
Светската организација за туризам е агенција на Обединетите нации која што е задолжена за промовирање одговорен, одржлив и универзално пристапен туризам. Оваа агенција го промовира туризмот како двигател на економскиот раст, инклузивниот развој и одржливоста на животната средина.
Извештајот за туризмот и туристичката конкурентност од 2019, издаден од страна на Светскиот економски форум, го рангира Мароко на прво место во регионот Магреб и на второ место во Северна Африка. Според светскиот индекс, Мароко се наоѓа на 66тото место со 3,9 поени со што го надминува просекот во регионот МЕНА, како и глобалниот просек.
Извор:
Можеби ќе ве интересира
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
Со задоволство Ви го преставуваме ГРАНД СКОПЈЕ, како PRIME SPONSOR на Конференцијата за комерцијални недвижности во Скопје, Македонија
Дали ја знаете играта Царица? Можеби ја знаете ама во вашиот град има друго име
Подобрени резултати во првиот квартал поттикнати од извозот и ефектот од вреднување на залихите во услови на зголемени меѓународни цени на горивата
Државната изборна комисија го заокружи едукативниот караван „ТИ СИ НА РЕД“ во битолскиот и тетовскиот регион
СУПЕР МИЛИОНЕР ЏЕКПОТ НА ВИДЕОЛОТАРИЈА КАСИНОС АВСТРИЈА Е ВО ЗОНА НА ПАЃАЊЕ
Посета во Бимилк: 200 деца од градинката „Пролет“ го научија патот на млекото
ЕВН и „Макпетрол“ ќе постават 10 брзи полначи за електрични возила низ цела Македонија
