Meксиканка се запиша во гимназија на 96 години
Објавено во: Свет 28 Април, 2018
Гвадалупе Паласиос од Мексико има 96 години, и почна да посетува настава во средно училиште затоа што сака да стане учителка.
Таа се надева дека ќе се здобие со диплома до стотата година, за потоа да има можност да се школува за учителка.
„Се би дала за такво нешто“- изјавила Гвадалупе првиот ден на часовите, каде што другите ученици ја поздравија со аплауз.
Гвадалупе растела во сиромаштија. Од детството работела на фармата на своите родители и не можела да оди на училиште. Подоцна таа продавала кокошки на пазарот и одгледала шест деца. Имала 92 години кога одлучила да научи да чита и пишува.
Во 2015 година, се запишала во училиште за возрасни и за четири години таа завршила основно и средно образование.
Со оглед на тоа дека не постои специјализирана програма за понатамошно образование за возрасни, 96-годишната Мексиканка сега е во клупите со осум децении помладите соученици.