Меланија Трамп излегува од долгогодишната сенка на својот сопруг Доналд Трамп
Објавено во: Свет 07 Мај, 2018
Меланија Трамп, првата дама на САД конечно ќе излезе од сенката на својот сопруг, пишуваат странските медиуми.
Таа во понеделник ќе ја објави својата долгоочекувана формална платформа за време на настанот на Роуз Гарден, по речиси 16 месеци од нејзиниот мандат како прва дама.
Иако Трамп од септември минатата година рече дека планира да ги фокусира своите напори за благосостојбата на децата, таа допрва ќе треба да дефинира што тоа точно значи имајќи предвид дека зад таа проблематика стојат огромни предизвици.
Сепак, Трамп нема да се задржи само на едно прашање што ги засега децата, туку ќе ја прошири платформата за да вклучи и други прашања. Нејзината портпаролка Стефани Гришам за Си Ен Ен кажа дека нејзиниот пристап ќе биде од повеќе аспекти.
„Како што беше потврдено од страна на многуте организирани настани на кои г-ѓа Трамп учествуваше во текот на нејзинипот мандат како прва дама-нејзиниот главен фокус ќе биде целокупната благосостојба на децата. Нешто уникатно: Таа не ја остави својата платформа на само една тема како во минатото ", рече Гришам.
„Г-ѓа Трамп сака да помогне на следната генерација, преку создавање на промени на свеста за различни прашања кои влијаат врз децата".