Мицковски бара мудрост во процесот за името

Добивај вести на Viber

Лидерот на опозициската ВМРО-ДПМНЕ Христијан Мицкоски изјави дека е добро да бидат информирани од страна на Владата за процесот на преговори за спорот за името и оти процесот треба да се води мудро и внимателно.

- Се додека во моментот, одговорноста е на Владата на Македонија, добро е ВМРО-ДПМНЕ да биде информирано како овој процес би напредувал во иднина и до она што се вели конечно решение ВМРО-ДПМНЕ би играл мудро во целиот овој процес. ВМРО-ДПМНЕ би било дел од овој процес доколку Владата одлучи да не информира, да го информира Иванов и другите политички чинители за тоа како ќе се развива овој процес во иднина. Треба да бидеме внимателни во преговорите за разликите кои ги има нашиот јужен сосед со името на Македонија, рече Мицкоски во интервју за ТВ Сител.

Лидерот на ВМРО-ДПМНЕ оценува дека изминатите месеци откако беше избрана новата Влада, имаше чувство на оптимизам во двете држави, но според него, во моментов чувствата се измешани, особено по днешниот протест во Атина, а неговата перцепија е дека пороцесот назадува.

– Чувствата се се поизмешани, заради тоа е потребна мудрост, внимателност за тоа како овој процес понатаму ќе се развива, бидејќи интерес на граѓаните е државата да победи во овој процес и Република Македонија да излезе како победник од процесот. Затоа процесот треба внимателно и одмерено да се води бидејќи, како процесот се интензивира, чувствата стануваат поизмешани, што не е добро. Особено по оние пораки, униформи на кои денеска бевме сведоци на овој протест и протетсот во Солун каде имавме иредентистички пораки, палење на македонското знаме. Сето тоа не оди во корист на овој процес, напротив создава ретроградни перспективи, рече Мицкоски.

Лидерот на ВМРО-ДПМНЕ посочи дека е непроменет партискиот став за промена на Уставот заради промена на името, односно дека за нив е неприфатлива промена на највисокиот законодавен акт на земјата заради промена на уставното име.