МВР СО ДЕТАЛИ ЗА СООБРАЌАЈКАТА ВО КОЈА ЗАГИНА МЛАДА СОПАТНИЧКА, „мерцедесот“ излетал од патот
Објавено во: Македонија 22 Март, 2023
Од Министерство за внатрешни работи денеска со детали за сообраќајната незгода во која животот го загуби 25 годишна сопатничка од демирхисарско.
Како што соопштија од МВР, несреќата се случила во текот на вчерашниот ден - вторник 21 март, во 16:15 инути на регионалниот пат Битола - Кичево.
- Во СВР Битола било пријавено дека кај место викано „Белимост“, патничко моторно возило марка „мерцедес“ со демирхисарски регистарски ознаки, управувано од Б.Г.(33) од с.Белче, демирхисарско, излетало од патот.
Во несреќата, од здобиените повреди на местото починала сопатничката Ј.Г.(25) од с.Белче, демирхисарско. Истовремено, малолетен сопатник се здобил со тешки телесни повреди констатирани во Клиничка болница Битола. Увид извршила екипа на СВР Битола, а по наредба на Јавен обвинител телото на починатата било дадено на обукција - се наведува во извештајот.