НАД 8.000 ЛУЃЕ ОСТАНАЛЕ БЕЗ РАБОТА: Најголемиот дел се на возраст од 30 до 49 години
Објавено во: Економија, Корона Вирус 06 Мај, 2020
8.160 луѓе за неполн месец останале без работа во Македонија.
Од 11 март до 30 април се евидентирани нови 8.160 невработени лица, информираше Агенцијата за вработување.
Од нив 4.279 лица (52,4 отсто) се без работа поради истек на определено време, 1.987 лица (24,4 отсто) поради спогодбен престанок на работен однос, 853 лица (10,5 отсто) се поради отказ од работодавач, 597 лица (7,3 отсто) се поради отказ од страна на работникот.
Потоа 199 лица се поради отказ од деловни причини (технолошки, економски, организациони и слични промени), 68 лица се поради стечај – ликвидација, 37 лица се поради престанок на дејноста на работодавачот, а останатите 140 лица се поради други основи на престанок (записник од Државен инспекторат за труд, судска пресуда и сл.).
Според претежната дејност на работодавачот, најголем дел од лицата кои останале без работа се од преработувачката индустрија (2.804), од дејноста трговија на големо и трговија на мало (1.705), како и од дејноста објекти за сместување и сервисни дејности со храна (1.243).
Најголемиот дел се на возраст од 30 до 49 години.
Претходно, се појавија податоци според кои за март и април без работа останале 9.000 луѓе.
Пандемијата на коронавирусот доведе до тоа голем број луѓе да останат без работа.
И во развиените земји бројот на невработени ќе порасне поради пандемијата.
За Германија прогнозите се дека бројот на невработени ќе се зголеми за 500.000, односно ќе биде над 3 милиони вкупно.
Можеби ќе ве интересира
„Да се напушти вештачкото надувување на капиталните инвестиции“: еве што велат економистите за изборните ветувања на партиите
ПОРАДИ КЛИМАТСКИТЕ ПРОМЕНИ: Колку маслиново масло произведува Шпанија?
СИНОТ НА СВЕТОЗАР, ЈАНЕ ЈАНЕВСКИ, СТАНУВА ПРЕТСЕДАТЕЛ НА УО НА „АУТОМАКЕДОНИЈА“ - и оттаму заминува Џон Илија Јоновски
НОВА ИНИЦИЈАТИВА ДО УСТАВЕН СУД ЗА УКИНУВАЊЕ НА ЧЛЕН 368 ОД ЗАКОНОТ ЗА ОБЛИГАЦИОНИ ОДНОСИ - тој е негативен за приватниот сектор
КОЛКУ ДИВИДЕНДА ЌЕ ДОБИЕ СИМОН, А КОЛКУ САШО НАУМОСКИ - прилепска „Витаминка“ го објави планот, еве ги деталите
ЦРН ДЕН ЗА ГЕРМАНСКАТА ЕКОНОМИЈА: Гигантот го прекина производството по 30 години - позната компанија ја изгуби трката со кинеска фирма
АСО ја охрабрува Владата за измени на Тарифникот за авто-осигурување
Стотици домаќинства сега продаваат струја во Македонија, интересот сепак ограничен
При кумулативен пораст на цените од 61.5 отсто, само премиите за авто осигурување се замрзнати 15 години
