НАЈНОВО ВОНРЕДНО МЕТЕО: Нови поројни врнежи,грмежи и временски непогоди!
Објавено во: Македонија 07 Јуни, 2023
Метеорологот Славчо Попоски вели дека под влијание на нова циклонска активност, повторно од југоисток, како и на влажна и на нестабилна воздушна маса, во следните десет денови во Македонија повторно ќе имаме МНОГУ НЕСТАБИЛНО време, во попладневните и вечерните часови на многу места ќе има поројни врнежи, грмежи и засилен ветер.
„Поради ЗНАЧИТЕЛНОТО загревање на Атмосферата, локално процесите повторно ќе бидат ИНТЕНЗИВНИ и застапени во форма на НЕВРЕМЕ, проследено со обилен пороен дожд, значително количество на воден талог за кратко време, силен ветер и со појава на град. Токму поради ова АПЕЛИРАМЕ граѓаните да бидат КРАЈНО ПРЕТПАЗЛИВИ. Во деновите кои се пред нас исто така постои опасност од нови локални и ПОРОЈНИ ПОПЛАВИ, зголемување на нивоата на реките и на езерата низ Македонија, како и можно излевање на некои реки“, вели Попоски.
Во Скопје и околината исто така ќе има честа појава на поројни врнежи од дожд, грмежи и Засилен ветер. Во делови од котлината исто така е можна појава на НЕВРЕМЕ.
Температурите на воздухот остануваат без промени и ќе се искачуваат во интервалот од 22 до 28 степени, додека во најтоплите централни и југоисточни предели тие ќе се искачат до 30 степени. Помал пад на температурите очекуваме по 10-ти јуни, односно следната седмица.