Направете ги овие промени на работното место за да станете попродуктивни
Објавено во: Финансии 31 Јануари, 2017
Средината во која работите, влијае исклучително многу на ефикасноста на луѓето. Ако сакате да го подигнете квалитетот на својот труд, ви препорачуваме да ги направите овие шест лесни промени.
1. Исфрлете ја целата непотребна хартија, тетратки, документи. Колку помалку ситници, толку подобро. Пишувајте си ги списоците со задачи само во еден тефтер или користете некоја од десетиците мобилни апликации за целта.
2. Светлината на работното место е едно од најважните нешта. Таа треба да е таква што нема да ги оптоварува дополнително вашите очи. Но има значење и природата на самата работа - потемната светлина е погодна за професии каде се користи аналитичко размислување, а топлата помага за создавање на добра атмосфера, покажуваат студии.
3. Ставете слика во близина на масата. Експертите советуваат дека не треба уметноста во канцеларијата да е премногу нападна. Класика - пејзаж, најдобро шумски.
4. Ако имате свој кабинет, обојте ги ѕидовите во зелено. Тоа е најсоодветната боја за работна атмосфера, бидејќи ја охрабрува креативноста на потсвесно ниво.
5. Заборавете на кафето и слатките пијалоци. Наместо тоа изберете чај. Чувајте неколку кутии со различни видови во канцеларијата.
6. Навикнати сте кон 3 попладне да посегнувате кон грицки, чипсови и слично? Заменете ги со ореви, бадеми или било кое јаткасто овошје. Ќе си обезбедите влакна и протеини и ќе се чувствувате заситени.