НЕМА „БАРОКИЗАЦИЈА“: Запрена изградбата на Античкиот театар Скупи
Објавено во: Економија 18 Јули, 2017
Античкиот театар Скупи засега нема да се гради.
Токму ова ги скара СДСМ и ВМРО ДПМНЕ.
Од опозицијата посочуваат дека се загрижени за стопирањето на финансиските средства за изградбата на театарот.
Од ВМРО-ДПМНЕ реагираше Валентина Божиновска која вели дека со ребалансот на буџетот новата влада ги секна средствата кои беа наменети за проектот.
Од СДСМ пак велат дека новата влада ќе го заштити културното и историското наследство од секој обид за уништување на објектите од културно и историско значење.
„Преку сомнителен тендер со набилдани цени за таканаречена обнова на локалитетот, ВМРО-ДПМНЕ противправно сакаше да изгради сала од бетон замаскирана со травертински плочки и да го осквернави и нагрди археолошкиот локалитет, само за да се остварат нечии криминални интереси“ посочија од владеачката партија.
Лани власта која уште беше под палка на ВМРО ДПМНЕ за проектот на Античкиот театар во Скопје предвиде 7.000.000 евра од буџетот.
Таму сакаа да никне арена која ќе може да собира до 9000 гледачи.