Нема плата, нема возови!
Објавено во: Економија 20 Февруари, 2017
Вработените во Македонски железници Транспорт веќе трет ден излегуваат на протести.
Причина за штрајкот во оваа институција се заостанатите плати кои раководството не им ги исплатило на вработените од декември.
Вработените се жалат на лошите услови за работа и лошото менаџирање на раководството кое со години наназад ги прекршува одредбите од членот 105 од Законот за работните односи, којшто се однесува на исплата на плати на работниците.
Штрајкот започна во петокот а над 2000 вработени си ги бараат платите за половината на декември и јануарската плата за да можат да го прехранат семејството, во спротивно возовите нема да сообраќаат на ниту една железничка линија во земјава сѐ додека нивните барања не бидат целосно исполнети.
Од синдикатот, како што пренесуваат дел од медиумите, велат дека за време на викендот од менаџментот никој не ги контактирал за да им каже како ќе се реши нивниот проблем.
Министерството за транспорт и врски пак потенцира дека за 2017 година од буџетот на Република Македонија се издвоени 380 милиони денари за Јавното претпријатие „Македонски железници“ и дека ресорното министерство во рамки на своите законски можности ќе стори сѐ за да се реши оваа состојба во претпријатието.
Можеби ќе ве интересира
ПОРАЗИТЕЛНО: Приближно 70 отсто од фабриките во Русија се соочуваат со недостиг на работници
Бугарскиот „Флекс Кредит“ ќе врти кај должници и ќе бара наплата за компании
НАЦИОНАЛНО БИРО ЗА ОСИГУРУВАЊЕ: Цената на авто осигурувањето е непроменета од 2008 година, реално е покачувањето
„Алкалоид“ добитник на „Патент на годината за 2023“ за иновативниот „Омепразол“ во течна форма
Трендафилов: Газдите пријавуваа исчезнување на Непалките зошто им го платија патот до тука
Кина има за цел да склучи повеќе договори за слободна трговија, ветувајќи зголемена отвореност
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
СТАНОВИ И КАНЦЕЛАРИИ „ТЕШКИ“ 600 ИЛЈАДИ ЕВРА ОДАТ НА БАРАБАН: еве каков имот нудат банките на продажба
ССМ НАЈАВИ ПРОТЕСТ ЗА 1 МАЈ: Бараат минималецот да изнесува најмалку 450 евра
