Нестабилно време и денес, еве кои региони да очекуваат најмногу пороен дожд
Објавено во: Македонија 26 Август, 2022
И овој петок времето ќе биде нестабилно ширум државата.
Синиптичарите од УХМР најавуваат нестабилно попладне, а најизразена нестабилноста ќе биде во западниот регион каде се очекуваат поројни дождови, грмежи и ветер.
Максималната дневна температура денес ќе се искачи до 33 степени.
Умерено облачно ќе биде во Скопје.
Во главниот град максималната дневна температура ќе биде 32 степени. Нестабилно попладне се очекува и овде.
Најавата на метеоролозите е дека нестабилното време ќе се задржи до сабота, кога дневната температура ќе биде во пораст.
Услови за нестабилност од недела ќе има претежно во западниот регион, а понеделник се најавува нестабилно ширум земјава.