ОБВИНИТЕЛСТВОТО БАРА ПРИТВОР ЗА МЛАД СКОПСКИ МАНИЈАК - „оперирал“ и во автобуси и во влезови од згради
Објавено во: Македонија 01 Март, 2023
Обвинителството бара куќен притвор за еден млад скопски манијак. Тој се самозадоволувал пред девојки во неколку наврати, и тоа и во автобуси и во влезови од згради.
„Јавен обвинител од Основното јавно обвинителство Скопје до судија на претходна постапка од Основниот кривичен суд Скопје поднесе Предлог за определување мерка куќен притвор против едно лице за кое постои основано сомнение дека сторило неколку кривични дела – Задоволување на полови страсти пред друг од член 190 став 1 од Кривичниот законик.
Имено, во пет наврати осомничениот 30-годишник на различни локации во Скопје, во автобуси и влезови од згради, се самозадоволувал пред девојки со што го сторил наведеното кривично дело“, се вели во соопштението од обвинителството.
Предлогот за куќен притвор е поднесен бидејќи постои основано сомнение дека осомничениот сторил кривично дело против морал кое постои опасност да го повтори.