ОДЛИЧНА РЕАКЦИЈА: Коментар на американски муслиман за предлогот за забрана на влез на муслимани во САД
Објавено во: Свет, Стил 08 Декември, 2015
Американски студент-муслиман стана хит на социјалните мрежи, откако на Твитер ја критикуваше контроверзната изјава на американскиот претседателски кандидат Доналд Трамп, кој предложи да се забрани влезот за муслимани во САД.
„Знае ли некој дали во концентрационите логори што Трамп ги планира за нас муслиманите ќе има ви-фи?“ – гласи неговата порака на Твитер.
Студентот Алкатиб води веб-сајт наречен Загубената исламска историја, чија цел, вели тој, е да ги едуцира сите луѓе, без оглед на верската припадност, во врска со приказната за муслиманите во минатото.
Инаку, критичарите изјавата на Трамп ја опишаа како „израз на најконтраверзен став до сега”, откако тој предложи тероризмот да се спречи со тоа што „тотално и комплетно ќе им се забрани на муслиманите да влегуваат во Соединетите Држави“.