ОДМАЗДА ЗА МАСАКРОТ: Војската ги срамни со земја исламистите кои убија над 230 луѓе во Египет
Објавено во: Свет 25 Ноември, 2017
Египетската војска денес соопшти дека нивните авиони извеле напади и погодиле повеќе возила користени во нападот во кој во петокот се убиени 235 луѓе во северен Синај.
Како што е соопштено, возилата се уништени, а лицата кои се наоѓале во нив се убиени, пренесе АП.
Возилата се наоѓале во близина на местото на вчерашниот напад на џамијата во градот Бир ал Абд најкрвавиот кој го извеле исламистите во модерната историја на Египет.
Засега ниедна група не преземала одговорност за нападот, но Исламска држава вети дека во Синај и Египет ќе ги истребат Суфијите, припадници на мистичното движење во рамки на исламот на кој екстремистите гледаат како на еретици, наведува АП.