ОН го оцени убиството на рускиот амбасадор во Турција како атентат
Објавено во: Свет 20 Декември, 2016
Советот за безбедност на ОН го оцени убиството на рускиот амбасадор во Турција, Андреј Карлов за терористички напад, пренесува АП, цитирајќи резолуција на Советот.
Советот ја потврдува потребата извршителите, организаторите и спонзорите на терористичките напади да бидат изведени пред правосудните органи, нагласувајќи дека тероризмот во сите негови форми претставува една од најсериозните закани за меѓународниот мир и безбедност.
Рускиот амбасадор во Анкара, Андреј Карлов синоќа беше убиен за време на отворањето на фото изложба. Уште три лица беа повредени.
Пукањето се случи близу амбасадата на САД, поради што Вашингтон им нареди на своите дипломати да не ја напуштаат мисијата поради ризиците.
Турската полиција во меѓувреме информира дека се приведени мајката и сестрата на напаѓачот на Карлов - 22-годишен поранешен вработен на силите за безбедност, отпуштен како дел од чистките по обидот за преврат против претседателот на Турција, Реџеп Таип Ердоган.