Оштетена топловодна мрежа од изведувач на градежни активности во скопска населба
Објавено во: Економија 08 Декември, 2020
При изведба на градежни активности за новопроектираната улица ”Есенинова”, изведувачот на улицата оштетил дел од топловодната мрежа со која со топлинска енергија се снабдуваат потрошувачите во населбата Кисела Вода.
Екипите на БЕГ излегоа на лице место и интензивно работат на санација на оштетениот топловод, информира снабдувачот.
Се очекува оштетувањето на топловодната мрежа да биде санирано за неколку часа, по што ќе се нормализира испораката на топлинска енергија до потрошувачите.