Османи идната недела во Атина, се засилува дипломатскиот интензитет

Добивај вести на Viber

Македонските политичари ги засилија активностите на меѓународна сцена што добива одличен одзив кај меѓународната заедница како и поддршка за решавање на отворените прашање, како што е спорот за името со Република Грција. Во таа насока по Брисел, вицепремиерот за европски интеграции Бујар Османи, се очекува следната недела да ја посети Атина при што ќе оствару средби со политичари од државниот врв.

Не прецизирајќи дали посетата на Османи е во рамките на напорите за решавање на прашањето за името, или во врска со другите аспекти од билатералните односи меѓу Македонија и Грција, весникот во истиот текст се осврнува на средбата со медијаторот Метју Нимиц која за наредната недела ја најави премиерот Зоран Заев.

– Состанокот следната недела меѓу Метју Нимиц, специјалниот медијатор на ОН за спорот за името на Поранешната Југословенска Република Македонија и преговарачите од Грција и ПЈРМ, се гледа како дел од напорите за забрзување на разговорите за решавање на проблемот кој ги подели земјите повеќе од две децении, пишува „Катимерини“.

Повикувајќи се на изјавата на премиерот Заев, весникот додава дека Нимиц на 20 и 21 ноември ќе има одвоени средби со Адамантиос Василакис и Васко Наумовски.

Се очекува средбите меѓу претставници на двете земји да се интензивираат на почетокот од следната година.