ОВА СЕ НАЈМОЌНИТЕ ВОЕНИ СИЛИ ВО СВЕТОТ! Изненадува позицијата на Русија, Србија е лидер во регионот, а на местото на Македонија наместо податоци за нашата земја, има податоци за Авганистан

Добивај вести на Viber

Порталот Global Firepower (GFP) објави нова листа на најмоќните армии. Конечното рангирање користи повеќе од 60 индивидуални фактори за одредување на таканаречениот индекс на моќност на нацијата. До конечниот рејтинг се доаѓа со анализа на бројни категории - од воена моќ и финансии до логистички способности и географија.

Колку е помал резултатот на Индексот на моќност, толку е поголема теоретската борбена способност на нацијата - се земаат предвид конвенционалните средства, не се земаат предвид нуклеарните способности на нациите.

„Нашето оружје покажува доверливост и ефикасност. Во исто време, многу фалените западни оружја се покажаа како далеку од совршено. Ова можете да го видите на изложбата на оружје заробено во Украина“, се пофали рускиот министер за одбрана Сергеј Шојгу. Порталот Global Firepower, кој ги анализира војските на светот, ја прогласи руската армија за втора најсилна во светот, веднаш по американската.

На третото и четвртото место, како и лани, се Кина и Индија, потоа Велика Британија, додека во топ 10 се и Јужна Кореја, Пакистан, Јапонија, Франција и Италија.

Сите бројки за руската сила веќе не важат

Сепак, аналитичарите нагласуваат дека по година и пол од војната во Украина не се валидни сите бројки за силата на руската армија. „Залихи со опрема, оперативни сили, работна сила и воена индустрија - сè е поделено на предвоена и повоена, бидејќи војната во Украина е таква што потрошувачката на опрема, залихи и работна сила не е забележана од Втората светска војна. , воопшто на глобално ниво“, вели за RTL Игор Табак, аналитичар на порталот Obris.org, пренесува Danas.hr.

Македонија иако ја има на списокот, сепак податоци за тоа на кое место е како воена моќ нема. Најверојатно е некоја грешка, бидејќи, кога ќе кликнете на нашето знаме, се отвараат податоци за Авганистан.

Што се однесува до регионот, Србија е на највисоко, 58 место, 11 места пред Хрватска, Словенија е 86-та, Црна Гора 128, а Босна и Херцеговина на самото дно. 

Мондо.рс